Di jaman nan makin gilo ko, baragam caro bamunculan tuak manipu urang, salah satunyo liwaik lowongan karajo palsu. Kini admin akan babagi tips caro mandeteksi lowongan karajo palsu bia sanak indak takicuah dek urang-urang dak batangguang jawek ko. Caronyo mudah sajo.

Partamo, profil perusahaan indak jaleh

Biasonyo perusahaan bodong alias palsu ko suko tatutik soal latar balakang perusahaannyo. Malah ado namo perusahaannyo indak diagiah tau. Nyo cuma buek "perusahaan yang sedang berkembang" atau pado alamaik hanyo pakai PO BOX. Indak ado alamaik atau kontak baiak email atau nomor talepon. Kalau ado cubo sanak kontak atau minimal googling. Kalau perusahaan ancak, minimal adolah blog atau akun facebooknyo. Tuak email perusahaan, biasonyo indak pakai email gratisan macam @gmail atau @yahoo do, tapi @namoperusahan.

Kaduo, suko maumba janji jo mimpi - mimpi

Ciri lainnyo suko maumba janji jo mimpi. Di iklannyo, dibuekannyo mancari tanago admin, supervisor, leader, sekretaris, sampai pado manager. Kini cubo sanak pikia, iko urang mancari karyawan atau ka mambuek perusahaan? Sudah tu kualifikasinyo pun indak masuak aka. Minta manager tapi tamatan SMA, indak pulo bapangalaman. Mulai dari posisi paliang bawah sampai paliang ateh nyo butuahkannyo. Salain tu, panipu ko suko pulo umba mimpi-mimpi gaji / bonus tinggi dalam wakatu singkek nan indak wajar, bukan karano kinerja / janjang karir nan jaleh.

Lah banyak kejadian di sakitar awak nan takicuah lowongan karajo palasu ko. Urang mandaftar jadi admin kironyo nyo jadian sales dor to dor, atau katiko proses seleksi harus mambayia iko itu sagalo macamnyo. Hal-hal nan sarupo iko tamasuak penipuan mah sanak, bisa dituntuik. 

Kalau sempat sanak mangalami, tinggakan sajo, indak ado kekuatan hukumnyo urang tu untuak manuntuik sanak, kecuali sanak alah mambuek perjanjian hitam di ateh putiah. Jadi ciek lai pasan admin, jan mudah sajo maagiah tando tangan ka urang, baco a nan ka ditando tangani tu.

Admin.